Hélt síðast þegar ég bloggaði að næsta blogg yrði á nýju tölvunni minn. EN NEi þar sem eg bý í Noregi þá skyldi ég varla geta ætlast til að geta bloggað á tölvuna fyrr en svona fyrsta lagi um fertugt, nb ég er ekki orðinn 26 ára núna. Það urðu sem sagt mistök hjá sendingarfyrirtækinu og ég fékk tölvu frá annari manneskju og hún mína. Þar sem kerfið hér er afar seint og flókið öllu jafna þá getið þið rétt ýmindað ykkur hvað gerist þegar mistök verða!!!!! Nei, ég eiginlega efast um að þið getið ýmindað ykkur það  Hér er ekki hægt að hugsa sjálfstætt og taka ákvarðanir án þess að það sé laggt undir, segi kanski ekki kónginn, en allt að því Ég er sem sagt EKKKI kominn með nýju tölvuna. Nenni ekki að útskýra þetta meira þar sem ég fer í svo vont skap að hlutir í kringum mig verða í hættu. Þess vegna er best að hætta að skrifa um þessa tölvu.....líka svona til að ég hlífi maka mínum. ÞEtta tölvumál er nú þegar búinn að eiða of mörgum mínutum í lífi okkar í pirrelsi og á hún ekki rétt á því að skemma fleiri mínútur í lífi okkar

Hér er vorið komið á fullu og allt að blómstra. Rosa gaman
Grasið sprettur og grænkar ekkert smá hratt, þeir segja bændurnir hér að þeir hefðu ekki trúað því fyrir 1 og 1/2 viku að það væri orðið svona grænt núna

Ragnar fer að byrja í prófum í mai og ég held áfram að vinna í lokaverkefnisvinnunni. Enginn próf hjá mér. Ekkert smá yndislegt
Inná milli hittum við vini okkar og sprellum eitthvað saman. Í gær var það afmæli hjá Kjersti og um helgina er grill, gleði og grín hjá hópnum mínum. Helgina þar á eftir er Ringfest en það er útskriftarmatur og ball hjá þeim sem eru að klára þetta árið. Ég og Ragnar skellum okkur á það þar sem að ég tileyri hópnum þetta árið

es. Takk til allra þeirra sem kvittuðu síðast, ánægð með ykkur

Hafið það gott
kv frá Hrafnhildi í sumar skapi
HB

Nú hefur aldeilis verið tekið hlé frá bloggi
Ástæðan er sú að tölvan mín varð fyrir smá óhappi og hefur því verið í hléi síðustu daga...kanski vikur....  Brátt er hins vegar bót á máli þar sem að ný tölva kemur væntanlega í hús núna komandi viku. Ég er því í tölvunni hans Ragnars núna. Bað hann bara spila eitthvað fallegt fyrir mig á hljómborðið og þá er talvan laus

Um daginn komu foreldrar Ragnars í heimsókn og var það rosalega gaman. Við skoðuðum hér í kring og eldað var fullt af góðum mat og lágum á meltunni þess á milli. Þau færðu okkur risa páskaegg og fengum við því ekta súkkulaði páskaegg um páskan. Hér eru nefninlega ekki seld venjuleg súkkulaði páskaegg eins og þekkjist á íslandi

Gunna kom í heimsókn í síðustu viku frá Danmörku og var rosa gaman að fá hana hingað yfir til okkar í nokkra daga. Við brölluðum ýmislegt saman ásmt Siggu, ss. grilla, ferðast og hafa það gaman saman.

Ég og Ragnar vorum svo að vinna í fjósinu yfir hátíðisdagana sem var fínt. Við munum vinna hjá bóndanum í sumar líka, bæði í fjósinu og ýmis vorstörf sem er mjög fínt. Gott að fá norskan pening svo við þurfum ekki að vera flytja íslenskan pening hingað yfir.... en eins og flestir vita þá er krónan ekki námsmönnum erlendis í hag og verður því voða lítið eftir af henni sé verið að þvælast með hana milli land......

Framundan er skóli hjá Ragnari og vinna í lokaverkefni hjá mér, inná milli er það fjós hjá okkur og útreiðar hjá mér. Reynum svo að hreyfa okkur inna milli líka. Vona að hreyfingin fari líka að aukast þar sem sól er aldeilis farinn að hækka á lofti og vorið nánast komið SEM ER YNDISLEGT

Hafið það gott kæru vinir og endilega kvittið þið sem orkuðuð að lesa síðuna alla leið að þessum punkti.